عدد المساهمات : 218 السٌّمعَة : 0 تاريخ التسجيل : 11/07/2009 العمر : 32 الموقع : ~~~~-ALEX -~~~~..
موضوع: اعرفى عريسك من اولها... وشوفى يا ينفع يا مينفعش.. الأحد يوليو 12, 2009 9:09 pm
إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.يبقى شخص معتدل في عواطفه وقراراته ويبقى ده آخر الرجال المحترمين.كلبشي.واستعجلي الزفاف والحياة هتبقى بمبي.
2.إذا كان بيحب الأكل زي عينيه.وأول ما يدخل من الباب وقبل ما يقول لك ازيك يقول لك ريحة التقلية تجنن ياروحي إنتوا عاملين ملوخية على أرانب؟؟ أموت أنا ويقعد ياكل ويحشر لحد ما يغمى عليه.يبقى إنسان طفس وهوائي وطايش وأوعي تتجوزيه أحسن ياكلك وانتي نايمة....؟
3.أما إذا كان مش مهتم بالمرة لايقولك ده حلو ولا ده عادب ولا مالح ولا مستوي ولا لسه ني ولا بيعلق أي تعليق وعمره مايقولك جعان أو شبعان يبقى إنسان مالوش لزمه.وزي قلته وأنصحك بدل ما تتجوزيه إتبنيه.وهاتعيشي إنتي الراجل والست ف وقت واحد واعملي حسابك هاتركبيه وتدلدلي رجلييكي.
4.أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي ويقوم من ع الأكل قبل أي حد تاني يبقى متسرع ومتهور في اتخاذ قراراته وممكن بعد الجواااز يكتشف إنك لست ملهمته.ولست فتاة أحلامه ولستِ حلمه ويروح مطلقك بالتلاتة إخلعي إنتي بدري أحسن لكرامتك.
5.أما إذا كان بياكل على مهله.ويمزمز ف كل صنف لوحده.ويسأل عن كل صنف إيه مقاديره ومعمول إزاااي ويقعد يستطعم ف الأكل من العصر للمغرب حاسبي منه يا اختي ده النوع اللي له مخ وبيوزن الأمور بطريقه تفقع المرارة ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟ نظااااام شلل رعاش بدري بدري إخلعي يا أمي.
6.أما إذا كان بيقعد يقطع ف الأكل زي مايكون ف خناقة ويخبط فطبق من الغل.ويقطع حتة اللحمة زي ما يكون بيدبحها. ويتفتف ويتكلم.طول ماهو بياكل لما يغرق وشك أكل.ده شخص عصبي جدًاااا ومع أول خناقة هايروح مناولك بالكرسي ف راسك أو بالسكينة ف عينك يعمل لك عاهة مستديمة وبعدين.يهدى ويقول لك: "سوووري ياروحي هي جت فيكي.معلش" ""معلش برَّه يا حبيبي وخد الباب ف أيدك""
7.أما إذا كان دايمًا قرفاااان دايمًا مش عاجبه العجب ولا الصيام في رجب يع. الملوخية تقيلة.ياي السمنة كتيرة على وش الشوربة ياساتر دا محشي ولاصوابع مووووز أووووف الرز محصويل يامَّه المكرونة معجنة.إذا كان كده توكلي على الله وهاتي أحمى ساطووووور عندك وأنا أعرف لك واحد محامي هايطلعك منها زي الشعرة م العجيييين والأحسن من ده كله مالها القعدة ف بيت أبووووووووكي؟؟
hermione مشرف
عدد المساهمات : 564 السٌّمعَة : 0 تاريخ التسجيل : 12/07/2009
موضوع: رد: اعرفى عريسك من اولها... وشوفى يا ينفع يا مينفعش.. الأحد يوليو 12, 2009 11:24 pm
والله ياسمسم
انا بعد
تفكير
عميق
قررت
انى
مش هتجوز خالص
بسببك
تاريخ التسجيل : 31/12/1969
موضوع: رد: اعرفى عريسك من اولها... وشوفى يا ينفع يا مينفعش.. الإثنين يوليو 13, 2009 7:00 am
توبيك جميل
بس بالشكل ده محدش هيتجوز هههههههههه
الحياة حلوة
عدد المساهمات : 218 السٌّمعَة : 0 تاريخ التسجيل : 11/07/2009 العمر : 32 الموقع : ~~~~-ALEX -~~~~..
موضوع: رد: اعرفى عريسك من اولها... وشوفى يا ينفع يا مينفعش.. الإثنين يوليو 13, 2009 2:33 pm
ههههههههههههههههههههههه يابنتى احنا لاقين دا لو واحد جه واتقدم وفيه كل صفات ال بتكلم عليها هنواقف طبعا هههههههههه نظرا لازمة العرسان اليومين دول هههههههه
مسافر بلا عنوان
عدد المساهمات : 254 السٌّمعَة : 0 تاريخ التسجيل : 11/07/2009 العمر : 35
موضوع: رد: اعرفى عريسك من اولها... وشوفى يا ينفع يا مينفعش.. الإثنين يوليو 13, 2009 4:22 pm
ايه علاقه العريس بالاكل وبعدين لو حد من دول عايش معايا كنت دبحته
queen girl مشرف
عدد المساهمات : 402 السٌّمعَة : 1 تاريخ التسجيل : 11/07/2009 العمر : 33 الموقع : اّداب قسم لغه عربيه
موضوع: رد: اعرفى عريسك من اولها... وشوفى يا ينفع يا مينفعش.. الإثنين يوليو 13, 2009 6:31 pm
جدع يا محمود والله هو مفيش حل غير القتل ههههههههههههههه
..................
موضوع يسد النفس ههههههههههههههههه
الحياة حلوة
عدد المساهمات : 218 السٌّمعَة : 0 تاريخ التسجيل : 11/07/2009 العمر : 32 الموقع : ~~~~-ALEX -~~~~..
موضوع: رد: اعرفى عريسك من اولها... وشوفى يا ينفع يا مينفعش.. السبت يوليو 18, 2009 5:54 am
ومين دا ال هيكل معاك يامحمود .... وههههههههههههه دا ميصدش نفس دا نصايح يابت اسمعى انا خبرة .. هههههههههههه يابت اسمعى كلامى متوجعيش قلبى ؟؟ ااااااااااااااااااااااااه ياهارتى ااااااااااااااااااااه ياهااااارتى
مسافر بلا عنوان
عدد المساهمات : 254 السٌّمعَة : 0 تاريخ التسجيل : 11/07/2009 العمر : 35
موضوع: رد: اعرفى عريسك من اولها... وشوفى يا ينفع يا مينفعش.. السبت يوليو 18, 2009 8:14 am
اكيد مش انتى يا حياه حلوه
heba
عدد المساهمات : 25 السٌّمعَة : 0 تاريخ التسجيل : 12/07/2009 العمر : 32
موضوع: رد: اعرفى عريسك من اولها... وشوفى يا ينفع يا مينفعش.. الإثنين يوليو 20, 2009 6:51 pm
توبيك حلو اوى يا توته بس فعلا لو الجواز هيكون بالطريقه دى فمحدش هيجوز خالص وكلنا هنور فى بيوت اهالينا